::“华倩恋”::

哇！不知不觉都有成大半年无上o黎我o既部落格。。。大半年无 update。。。D 朋友以为我人间蒸发o左。。。其实係我忙嘛！懒。。。都係其中一个原因。。。哈哈哈。。。！！！

今期写 D 乜o野好咧？更係写依家最 Hit o既“华倩恋”啦！华倩。。。唔係指曾华倩啦！而係刘德华＋朱丽倩。。。

呢两日。。。打开报纸。。。都係讲佢地o既恋情。。。其实佢地o既恋情早就开始逐渐浮上檯面。。。好似之前被狗仔影到佢地响 KL 某间 Restaurant 用餐。。。盛传佢地好快要结婚。。。可能佢地真係打算结婚。。。点知 D 狗仔日日係o甘跟。。。係o甘写。。。係人都惊啦。。。想话开开心心去结婚。。。但被 D 狗仔搞都佢无日安宁。。。结果结婚单o野咪煲汤咯！。。。

之后。。。不幸地，朱小姐o既父亲大人 － 朱 Ｕncle 逝世。。。D 人开始猜。。。究竟华仔会唔会出现响丧礼度。。。虽说话係丧礼，朱家上上下下都希望 朱 Ｕncle 可以平平静静入土为安。。。但 D 狗仔点会放过呢个机会。。。照常日日死跟。。。搞到 朱 Ｕncle 出殡时，朱家要出动“雨伞阵”。。。最后真係影到华仔去拜祭。。。

其实，我相信最令人震惊 o既係华仔以行动来表示佢同朱小姐o既情人关系。。。十指紧扣去机场。。。证明华仔今次真係希望俾朱小姐一个名分。。。就算无摆酒注册结婚。。。起码佢要话俾全世界人知，朱小姐就係佢华仔o既女人。。。当我睇到呢 D 相。。。我只认为华仔好 man 好小心保护佢o既女人。。。而朱小姐就好幸福。。。终于守得云开见月明。。。


呢单新闻一出。。。都估到有粉丝会好伤心。。。睇到一个粉丝更以死威胁。。。我觉得好白痴咯。。。顶。。。你偶像都係人。。。都有七情六欲。。。唔通你要佢孤独终老咩？。。。或着娶你为妻？。。。个个都话死。。。o甘佢咪个个都要娶。。。爱情係讲求缘分。。。不得强求。。。朱小姐做o左华仔背后o既女人o甘多年。。。佢无怨无悔。。。o甘o既女人边度找？。。。果 D 以死威胁偶像o既人。。。我觉得佢地好自私咯！！！如果你想你自己o既偶像开心。。。就应该祝福佢。。。唔好再俾压力佢o左！！！

最后，我祝华仔同倩女早日拉埋天窗。。。白头到老。。。永结同心。。。！！！

::生日 2009::

琴日係我o既生日。。。即係话我又老o左一岁咯。。。所谓 年龄只不过係数目。。。心境保持开心埋得咯。。。开心自然会年轻。。。日日愁眉苦脸。。。D 眉头皱晒。。。唔老就假。。。

讲下我点样过我o既“大寿”。。。首先帮我预祝o既係我 college o既朋友。。。星期六晚就去打边炉。。。例牌。。。响哥打白沙罗o既“好好火锅店”打边炉。。。黄酒 lala （蛤蜊）。。。QQ 豆腐都係我地最爱。。。尤其係 黄酒 lala 。。。Ah John 重哎 o左两碟。。。正啊！。。。饮饱食醉之后就继续下一场。。。唔好误会。。。唔係去泡。。。係去 kopitiam 饮o野。。。Papa Rich 係我地近期钟意o既地方。。。过后就各自返家。。。

到o左正日。。。即係话二月二十三号。。。要返工，因为係星期一。。。点解唔请假。。。？？？。。。无他o既。。。因为每个亲朋戚友都要返工。。。不过我 D 同事就响 lunch time 同我庆祝。。。我地去 Bubba Gump 食 lunchie。。。大刷一餐。。。超级饱。。。最后重俾佢地摆上薹。。。企响张凳度摇摆。。。无所谓啦！。。。我开心。。。大家又开心。。。食完o野。。。大家又要继续埋头苦干。。。哈哈哈。。。讲到好似好凄凉o甘。。。

放工o左就同我 Hubby B 去撑薹角。。。去 Pasta Zanmai, One Utama 食o野。。。
食完o野埋去行下咯。。。然后返屋企。。。入到房间。。。咦！。。。有份礼物哦。。。係 Jessica 俾o既。。。份礼物好轻哦。。。！我响度估係乜o黎o既。。。估o黎估去都估唔到。。。当我打开份礼物。。。哗！。。。DKNY Be Delicious 香水礼盒哦。。。不过得个盒。。。里面乜都无。。。得张字条。。。係 Jessica 写o既。。。佢话要礼物就慢慢每个角落去“掘”。。。所以我o既寻宝游戏就开始啦。。。哈哈。。。十几分钟后就俾我集齐晒整套 DKNY Be Delicious 香水礼品。。。我非常钟意。。。DKNY Be Delicious o既樽係限量版金色o既。。。

我o既生日。。。就係o甘庆祝。。。好开心。。。多谢所有帮我庆祝生日o既亲朋戚友。。。多谢全部 send message 祝福我o既朋友们 （不论係 Facebook…Friendster…MSN…SMS 等等）。。。多谢你地俾o左一个愉快o既生日我。。。

::2009 情人节::

一年一度浪漫o既情人节。。。 o個日点样庆祝？？？。。。其实都无乜特别。。。都係去o左行街睇戏同食饭。。。

o個早上去o左睇 Bride Wars 。。。都唔算早。。。因为都差唔成十二点几。。。睇完戏就去o左 Pavillion 食饭行街。。。以往o既情人节。。。我都会去 TGi Friday食o野。。。但係今次就去一间名叫代宫山o既餐厅。。。无他o既。。。因为觉得TGi Friday o既情人套餐无乜特别。。。又有 D 贵。。。代宫山其实都係我钟意o既餐厅之一。。。D o野好食之余，环境又优美。。。

食完 lunchie 就开始 shopping 咯。。。行到差唔多六点几就返屋企。。。咦。。。晚餐咧。。。？？？。。。晚餐埋就係返屋企同屋企人食咯。。。哈哈。。。对我o黎讲都算特别。。。因为以往都係二人世界。。。

eh。。。讲下情人节 shopping o既战利品。。。我买o左件 ZARA T-Shirt 俾自己。。。我 Hubby B 买o左两件 FOREVER 21 男装 sweater 。。。当然重有我o既情人节礼物。。。噹。。。 噹。。。 噹。。。 噹。。。就係我想要o左好耐o既Nokia E71手机一部。。。真係好开心。。。Hubby B。。。多谢你。。。I Love You。。。Forever & Ever。。。！！！


后记： 今年o既情人节普通得来好特别。。。！！！

::Bola。。。加油::

呢 几日都收到 D 搞 miss call o既粉肠电话。。。烦到死。。。搞到我火都来埋。。。咪 block 晒所有来电者。。。所以，除o左我屋企人可以打俾我之外，全部人都打唔入。。。不过我有将条线飞o左去我 Hubby B o既手机度。。。所以有乜可以同佢讲声。。。

不过。。。头先我睇下我o既电话，收到个 message。。。係我一个朋友 send o黎o既。。。佢同我讲佢爸爸五日前过身o左。。。我吓o左一跳。。。有 D 伤感。。。唔知佢点咧？。。。希望佢唔好o甘伤心。。。世伯只不过係去o左个好远o既地方。。。响果度 rest in peace。。。佢永远都会保佑所有爱惜佢o既人。。。Bola。。。加油！

::Birthday Present Wish List 愿望列表之生日礼物::

二月份。。。又係一年一度写上我响我生日时，我希望得到乜o野礼物。。。敬请阁下睇下以下o既列表啦！。。。排名绝对分先后。。。 :)

1. Christian Dior Gaucho 系列手袋
2. FENDI 手袋
3. Salvotore Ferragamo 手袋
4. CK 手袋
5. Nikon D80 SLR 相机
6. Nokia E71 手机 （白色）
7. Seiko 手表
8. DKNY Be Delicious / CK one (limited edition bottle) / Dior Miss Cherie 香水
9. Prada 眼镜
10. Lady Dior 限量版胭脂 (胭脂要粉红色o既。。。唔要 orangie 个只）

暂时写住o甘多先。。。

::友情与爱情::

有个问题我想问下， 友情与爱情是否可以共存？。。。我得到o既答案係可以。。。但係发生响我身上既机会好微。。。点解我o甘讲。。。？？？

因为。。。

双鱼座o既我永远係恋爱大过天 。。。虽然如此。。。但我绝对无遗忘过任何对我好o既好朋友。。。 我好想友谊永存。。。可惜，我感觉到我往往都係俾遗忘o既果个。。。可能响你地心目中，我係重色轻友。。。有o左爱情。。。你地 D 友情我就会抛侏脑后。。。因为我“十年”都无返去。。。好似人间蒸发o左。。。

其实我要o既好简单。。。係响过时过节 （例如圣诞，新年，生日。。。）大家可以send个短讯祝贺下大家。。。forward o既都好啦。。。起码我知道我重未俾大家遗忘。。。我最开心係可以收到好朋友o既生日祝福。。。不过我好少收过。。。因为无人记得我生日。。。你地一定都讲。。。我都忘记你地o既生日啦！。。。係。。。我唔记得。。。因为记性唔好。。。但係我有写落o黎。。。无礼物俾你地。。。我希望可以俾你地小小o既祝福。。。

或者我根本从来都无响你地o既好朋友list入边。。。只係我一厢情愿当你地係好朋友。。。可能我只不过係个路人甲。。。

係唔係自己敏感o左咧。。。？？？。。。因为双鱼座o既人除o左爱情至上外。。。亦都係敏感一族。。。真o既希望係敏感。。。有时。。。想得太多。。。会搞到自己唔开心。。。甚至会喊。。。

不过，我有一个好男人。。。无论係点佢都係第一位。。。俾人话係有异型，无人性都无所谓。。。随便。。。


后记：

*Sharon (coz she tagged me. (I KNOW SHE WAS TAGGED ! NO NEED TO REMIND ME ! I GOT NOBODY ELSE IN MIND TO TAG !) 原来我真係个 NOBODY

－ 完 －

::给凯蒂的一封信::

致凯蒂，

识o左你成十几年，你o既性格依然系o甘。。。无变过。。。一样系o甘爱脸。。。一样系o甘钟意show off。。。所谓三岁定八十。。。呢句说话o黎形容你一点都无错。。。

过新年大家出来一聚。。。你 D show off 本色就出晒o黎...首先就系带o左个有纹身o既鬼佬男友出o黎。。。然后就博命o甘同我地讲你男友全身都系 tattoo 。。。当时我唔知要笑你好定系继续应酬你好。。。其实我真系好想问你，你知道乜o野叫做全身都系 tattoo 无？？？。。。你男友连手 full sleeve tattoo 都无。。。何来全身都系 tattoo 啊？？？。。。你博命o甘讲你男友全身都系 tattoo。。。我只会觉得你好白痴。。。成个井底蛙o甘。。。纹身唔系话多就系型。。。就系好威。。。讲你都唔明啦。。。因为你一点都唔了解乜o野系纹身。。。你净系识得乜o野叫 show off。。。

过后再出来饮茶。。。你又来啦。。。你讲你男友呢几日都好闷。。。都系响新加坡开心 D 。。。因为你新加坡 D 朋友全部都系讲英文。。。朋友，你o甘讲系唔系讲我地唔识得讲鸡肠。。。Hello。。。唔系我地唔识。。。只系觉得无o甘o既必要。。。就算我地讲鸡肠。。。你男友都未必有兴趣听。。。因为都唔o岩话题。。。咪以为你出国去杜拜做工。。。 D 英文就非常掂。。。咪系o甘。。。我地唔讲。。。未必代表我地唔识。。。唔好响度狗眼看人低。。。

凯蒂。。。想话你听。。。我地难得新年出来一聚。。。唔系要睇你 show off 。。。要 show。。。请你去别处。。。不过老实讲。。。我出来。。。因为想见下女人 Mich。。。大眼妹佩仪。。。同埋 Janet 姐。。。你有无出来对我来讲一点都无所谓。。。你唔出来，我会开心 D 。。。你出来，我o既 blog 就多 D 废o野写。。。对我都无损失。。。

-完-

::香港之旅::

上个月，去o左香港度假。。。香港之旅我期待o左好耐啦！。。。果度D人行路好快。。。唔知赶 D乜。。。搭地铁又一定要逼入去。。。唔可以等下一班o既。。。边似得我地o甘慢吞吞。。。其实逼乜啦。。。等下一班好快o者嘛！。。。响香港，你估我做得最多系乜o野？。。。唔系食o野同sleepingzZz。。。答案系排队。。。做乜都要排队。。。排队买o野食。。。排队去洗手间。。。排队入名牌店 (LV...PRADA...Gucci...etc)。。。排队买迪士尼门票。。。排队玩迪士尼o既游戏。。。排队同迪士尼 D 卡通人物影相。。。等等。。。总之就得个“排”字啦。。。其实排队系无所谓。。。o甘先唔会乱嘛。。。点鬼知 D China Aunty好似唔识乜o野系排队。。。系o甘逼。。。系o甘推。。。真系不知所谓。。。搞到我火都来埋。。。一个鸡翼挣挣过去。。。问你仲逼唔逼啦！！！。。。

其实我本来打算去香港买返个LV袋。。。点知比 D Aunty 将 D 袋搞到 down grade 晒。。。D Aunty 拿住 LV 。。。讲话连隔离街都听到。。。跟住着到九不搭八。。。师奶，唔系拿住个名牌袋，穿对 Gucci Monogram o甘就系靓o架。。。都要衬先得o架嘛！。。。讲o野又好似拿住个喇叭o甘。。。失礼死人。。。最乞人憎就系以为自己好有钱。。。以为自己系太后。。。真难顶。。。

讲下果度 D 售货员。。。D 售货员大部分都好 friendly。。。唔会话比脸色你睇。。。我都好满意 D 服务态度。。。唔错。。。唔错。。。！！！

果度 D o野几好食o架。。。不过都几贵啰。。。马来西亚 D o野食平好多。。。果度 D 点心。。。一个字形容。。。“正”！！！。。。我去食点心果间酒家系from稻香集团o既。。。响尖沙咀果带。。。

问我会不会再去香港？？？。。。当然会啦。。。